الأمر ls
هاد الأمر كيعني list يعني اعرض لي المحتوى لي بغيت. هاد الأمر مهم جدا وكيتستعمل بكثرة. كنقدرو نعرفو من خلالو المحتوى ديال الملفات.
طريقة عمل الأمر:
كتكتب الأمر بوحدو وغايآفيشي ليك شنو عندك فالملق لي نتا فيه. مثال:
تقدر أيضا تآفيشي المحتوى ديال شي ضوسي آخر وانت فضوسي آخر بلاما تحتاج تدخل ليه. يكفي تكتب المسار ديالو وهو غايطلع ليك المعلومات, مثـال:
الأمر عندو بزاف ديال الأدوات كيخدمو معاه ولي مهمين.
الأداة الأولى هي a كتكتب بهاد الطريقة:
ls -a
هااد الأمر كيمكنك من عرض جميــع المعلومات لي عندك وسط الملف لي نتا فيه. لي ظاهرة ولي مخفية. مثال:
الأداة الثانية هي l وكتكتب بهاد الطريقة:
ls -l
هاد الأمر كيعطيك جميع المعلومات مع التفاصيل ديالها والصلاحيات. مثال:
جميع ديك المعلومات غادي نشرحها ملي نوصل للدرس ديال الصلاحيات.
الأداة الاخرى هي r ولي كتكتب بهاد الشكل :
ls -r
هاد الأداة كتعكس ليك عرض النتائج. يعني كتبدا ليك بالحروف الأبجدية الأخيرة كتعطيهم ليك هما الأولين, مثال:
عندنا الأداة الأخرى لي هي s ولي كتكتب على الطريقة:
ls -s
هاد الأداة كتعرض ليك الملفات مع الحجم ديالهم بالكيلو بايت مثال:
الأداة التالية S ولي كتكتب بهاد الطريقة:
ls -S
كيف قلنا سابقا أن لينكس كيفرق بين الماجيسكيل والمينيسكيل. إذن هاد الأمر هو والأمر السابق راهم مختلفين. هاد الأمر كيعرض ليك النتائج على حسب الحجم. كيحط ليك الملف لي الحجم ديالو كبير هو الفوقاني وكيبقى هابط بالترتيب. مثال:
الأداة t ولي كتكتب بهاد الشكل:
ls -t
هاد الأمر كيعرض ليك النتائج على حسب الوقت والتاريخ لي تأجوطاو فيه الضواسا والفيشيي لي عندك. مثال:
ls /
هاد الأمر كيرعض ليك المحتوى ديال الرووت. مثال:
الأداة * ولي كيكتب الأمر ديالها بهاد الطريقة:
ls *
هاد الأمر كيعرض ليك المحتويات لي وسط المجلدات بلاما تحتاج تبقى دخل لكل واحد فيهم وتشوف اش فيه. مثال:
الأداة d ولي كتكتب بهاد الطريقة:
ls -d */
هاد الأمر كيعرض ليك غير الملفات بوحدهم فقط, حرف d هنا مقصدو به directory مثال:
الأداة d PWD ولي كتكتب بهاد الطريقة:
ls -d $PWD/*
هاد الأمر كيمكنك من عرض المجلدات لي بغيتي بالمسار ديالهم إبتداءا من الهووم مثال:
باش نعرضو غير لي كيبداو بـ d بوحدهم غانديرو الأمر :
ls d*
وباش نعرضو لي فيهم الحرف d سواء كبيرة أو صغيرة كنديرو:
ls [dD]*
باش نعرضو غير لي كيساليو بشي حرف معين غامديرو الأمر :
ls *t
كنظن أنني ذكرت أهم الأوامر لي متعلقين بهاد الأمر ولي كيتم استخدامهم بكثرة. أي تساؤل مرحبا, خليوه فكومونطير ونتمنى تكونو استافدتو.
بعض الدروس لي تقدر تنفعك أيضا:
