EIGRP
هذا بروتوكول من نوع vecteur a distance بحالو بحال الـ RIP والدور ديالو حتى هو بحال الدور ديال لاخرين.. غير كيختالفو فشي لعيبات.. الميزاجور بالنسبة للـ RIP كل 30 ثانية كيدير ميزاجور هاد الـ EIGRP كل 90 ثانية عاد كيديرو.. فالريب عوتاني كاينة غا طابل وحدة لي هي طابل روتاج.. فهذا كاينين ثلاثة ديال لي طابل:
Table topologie, voisinage, et routage
لمهم هاذي غا نبذة على هاد البروتوكول باش تعرفو كيفاش كيخدم.. ندوزو للكونفيكيراسيون دبا.. تقريبا ما كاينش شي فرق بينو وبين الريب من غير أن هذا كنزيدو ليه الآيدونتيفيي وكنديرو ليه الماسك جينيريك.. ناخذو مثال:
Rabat(config)#router eigrp 1
Rabat(config-router)#network 192.168.1.0 0.0.0.255
Rabat(config-router)#network 10.10.10.0 0.0.0.3
Rabat(config-router)#no auto-summary
Rabat(config-router)#do wr
الشرح:
بالنسبة لأول كوموند حددنا النوع دياال الروتاج لي بغينا وقلنا ليه بروتوكول EIGRP وعطيناه الأيدي.. هنا واحد النقطة مهمة.. الأيدي ديال هاد البروتوكول كيبدا من رقم 1 الى درتي 0 راه ماغايقبلهاش..
فالكوموند الثانية درت الادريس سو ريزو وقدامها الماسك جينيريك.
الماسك جينيريك باش نحسبوه كناخذو :
255.255.255.255
-
255.255.255.0
كناخذو الماسك ديال 255.255.255.255 وكنقصو منو الماسك ديال الريزو لي عندنا, وهاكا كنكونو لقينا الماسك جينيريك.
من بعد غاتدخل كااع لي سو ريزو لي مربوطين مع الروتور..
الكوموند الاخيرة كنديروها باش نمنعوه من أنه يدير ملخص لي زادريس..
وكإضافة هاذو بعض الكوموند الى بغى يتأكد من داكشي لي دار..
الى بغيتي تشوف لي طابل روتاج:
#show ip route
الى بغيتي تشوف لانطيرفاص لي خدام فيها eigrp:
#show ip eigrp interfaces
باش تشوف لي روتور لي خدامين بال eigrp:
#show ip eigrp neighbors
باش تشوف طابل طوبولوجي:
#show ip eigrp topology
هذا ما كان.
