ا
Complete Internet Repair
برنامج غني عن التعريف الدور ديالو يصلح مشاكل الشبكة ديال الحاسوب، البرنامج كيقدر يساعدك بزاف باش تحل المشاكل لي متعلقة بالريزو فالحاسوب ديالك, مثلا إذا قدر الله وتقاس الحاسوب ديالك بشي فيروس أو شي برنامج ضا.. وكتكتاشفو وتمسحوا.. كيقدر داك البرنامج او الفيروس يخلي ليك مشاكل فالشبكة، أو بعض المرات كتخدم شي VPN ولا شي بروكسي فالحاسوب وكيخربق ليك الباراميطر ديال الريزو، فهاد البرنامج كيعاونك باش تحل هاد المشاكل وداكشي من خلال إعادة تعيين البروتوكولات الخاصة بالاتصال بالانترنت ، كيصلح اخطاء الـ DNS ، كيصلح أخطاء الريجسيتري المتعلقة بالانترنت ، كيصلح أيضا مشكلات متصفحات الانترنت (Chrome, FireFox ... ) ، كيصلح مشكلات تحديثات الويندوز ، كذلك مشكلات وأخطاء التشفير ، إعادة تعيين إعدادات جدار الحماية ، كيصلح مشكلات الشبكة الداخلية LAN وغيرها من المشاكل ، وهو برنامج فاابور وحجمه صغير. كما انك تقدر تخدم بيه بلاما تأنصطاليه ، وكيتميز بواجهة مستخدم جد سهلة ، ولي غاتخليك تقدر تخدم بيه وخا ماتكون عندك حتى خبرة.هاذي صورة من البرنامج
رابط التحميل: كليكي هنا
كيفاش طيليشارجيه؟
ملي غاتدخل للرابط غايديك مباشرة لهاد الصفحة:
غاتهبط شويا لتحت حتى تلقى هاذي:
الى كان عند بيسي بيرو كليكي على الليان الفوقاني. إلى كان عندك بيسي بورطابل كليكي على الليان الثاني.
هنا تقدر تقول ليا كيفاش غاندير انا اصلا ندخل لهنا وأنا الحاسوب ديالي ما خداماش فيه الانترنت وعليها انا اصلا باغي هاد البرنامج.. غانقولك تقدر طيليشارجيه من حاسوب اخر أو من هاتفك ولوحو ديك الساعة للبيسي ديالك.
من بعد ماتكليكي على الليان المناسب غاتطلع ليك نافذة بهاد الشكل:
اختار البلاصة فين غاتحط هاد البرنامج وعقل عليها.. أنا هنا فالحالة ديالي غانحطو فالـ Bireau وكليكي على Enregistrer
غاتلاحظ أنه تحمل بواحد الطريقة سريعة نظرا لصغر حجمه.
كيفاش نأنصطاليه؟
دبا غاتمشي للمكان لي حطيتيه فيه وغاتلقاه على هاد الشكل:
غاتكليكي دوبل كليك عليها.. غادي يخرج ليك ميساج كليكي على Oui
من بعد غايعطيك هاد الواجهة:
كوشي الاختيار الاول وكليكي على Next
من بعد غايدوزك لهاذي:
كوشي داك الاختيار باش يتفتح البرنامج مباشرة من بعد ماتكليكي على Finish
من بعد غايتفتح معاك البرنامج بهاد الواجهة:
اختار المشكل لي عندك وكليكي على Go