فبعض المرات كيكون عندك شي إكسبوزي ولا شي PFE وكتبغي تقلب على شي موديل يكو واجد باش تخدم عليه أو تاخذ منو أفكار ومعلومات, باش كتسهل على راسك بزاف ديال الخدمة والبحث. وطبعا الحل هو العم Google. لكن تقدر تروشيرشي على شي موضوع ويطلع ليك شي PDF وغاتلقاه فموقع SCRIBD وغاتدخل ليه وغاتقرا الـ Sommaire ديال داك الـ PDF وغـايعجبك مزيان, ولكن ملي غاتبغي تطيليشارجيه غا تفاجئ أنه كيطلب من ك تسجل فالموقع وتخلص باش عاد تقدر طيليشارجي الكتاب.
موقع SCRIBD لمن لا يعرفه هو موقع أمريكي عبارة عن منصة للكتب بحال البلان ديال AMAZON BOOK وبحال SCOLARVOX حتى هو فيه الكتب الإلكترونية لي كيكونو مصاوبينهم ناس وداكشي كيكون إحترافي. ومعظم المعلومات لي اتلقى فدوك الكتب هي معلومات ناضية وتقدر تسهل عليك بزاف الخدمة والبحث, حيت ما كاين ما احسن من أنك تلقى كتاب فيه كاع المعلومات دقة وحدة.
لمهم ندوزو لكيفاش طيليشارجي شي كتاب من هاد الموقع مجانا بلاما تحتاج تخلص, أول حاجة طبعا غاتحتاج ضروري التسجيل فالموقع. من بعد غاتمشي تقلب على الكتاب لي باغي. ناخذو مثال هنا. أنا غادي نقلب على شي كتاب مثلا وليكن SS7
غايخرج ليا بزاف ديال الكتب, أنا نقدر نبقى ندخل لكل واحد ونشوف السومر ديالو, أو نختار شي حد عشوائيا.
من بعد مانختار الكتاب وندخل ليه أنلاحظ أنه كيطلب مني نجرب التحميل المجاني لمدة 30 يوم, وطبعا إذا كليكيتي عليها, غادي يقولك دخل المعلومات ديال لاكارط بونكير ولا بايبل باش نقدر نطيليشارجي من بعد 30 يوم وغايقطعو ليك الفلوس ملي تسالي 30 يوم التجريبية.
نتا ماغادي تكليكي على والو, بل غادي تطلع لليان الفوقاني ديال الكتاب, وغادي تمسح ديك fr. وتكتب فبلاصتها down وتكليكي اونطخي.
من بعد أيطلعو ليك هاد الباج. غادي تجاوب على الكابشا بلي راك ماشي روبو, وكليكي على download
من بعد أياخذك لموقع آخر باش يستعد للتحميل, ويقدر يعاود يحولك لموقع آخر باش يكومبيسي الكتاب لي اطيليشارجي, لمهم نتا غير كليكي على Download حتى يطيليشارجا, وبصحتك الكتاب.
