قبل ماندوزو للأوامر خاصنا نعرفو فين كيخدمو هاد الأوامر وشنو هو الدور ديالهم بعدا.
فاللينكس الأمر كيختالف على وينداوز، فوينداوز كيفرض عليك التعامل مع واجهة المستخدم فقط. وكيعطيك بعض الصلاحيات داخل السيسطيم ديالك. لكن فلينكس كيكون عندك كامل الحق فأنك تعامل مع النظام ديالك فكل كبيرة وصغيرة. وباش تواصل مع العمق ديال السيسطيم ديالك غايخصك واحد الآداة لي سميتها ال Terminal
ولي كتسمى فالوينداوز cmd
هاد الطيرمينال هو الوسيط بينك وبين السيسطيم بأكمله سواء لانطريفاس لي كتخدم فيها أو الضواسا والتطبيقات لي كيخدمو وراء الكواليس.
وهاد الطيرمينال طبعا غايخاصو شي "برنامج" لي يخدم بيه حتى هو نيت. هاد البرنامج كيتسمى Shell، بحال شي لغة برمجة كتكتبها للإديتور والإيديتور كيترجمها للبيسي باش يفهمها. نفس الشيء تماما كيوقع مع الشيل والطيرمينال والسيسطيم.
كاينين أنواع من الشيل، منهم:
sh:
هذا شيل تم تطويره فالسبعينيات كان كيتستخدم على أنظمة Unix.
bash:
هذا نسخة مطورة من sh وهو لي كيتستعمل بكثرة فجميع التوزيعات.
csh:
هذا عندو صيغة كتابية بحال اللغة C
zsh:
هذا نسخة من bash مديفلوبية أكثر.
حنى فهاد الدورة غانتعاملو مع الشيل ديال bash
لأنه كيف ما قلت هو الأكثر استعمالا وغانلقاوه فجل التوزيعات المشهورة مثل:
هذا ما كيعنيش أنك ماتقدرش تخدم بالشيلات الأخرى داخل توزيعة كيجي معاها شيل الـ bash ، بل يمكنك ليك تخدم بالشيلات الاخرى ماكاينش مشكل. مثلا عندك توزيعة كتخدم بالـ bash, يمكن ليك تكتب فالطيرمينال sh وتكليكي على اونطخي باش تنفذ الأمر، غا يتقلب الشيل للـ sh لكن طبعا خاصك تكون عارف لي كوموند ديال هاد الشيل باش تقدر تخدم بهم. أما لا بغيتي ترجع للـ bash يكفي تكتب الأمر exit وهاكا غاترجع عادي.
نتمنى نكون وصلت الفكرة من خلال هاد الأسطر القليلة والمختصرة. وأي تساؤل مرحبا خليه فتعليق
المقال جاي غايكون مع أول أمر من أوامر لينكس.
مفاهيم:
bash :(Bourne Again Shell) offre l'édition de la ligne de commande et le rappel des
commandes précédentes
csh: (C Shell) développé à Berkeley, compatible avec le shell Bourne. Pas
d'édition de la ligne de commande ni d'historique des commandes
ksh: (Korn Shell) offre l'édition de la ligne de commande
sh: le shell original, pas d'édition de la ligne de commande
tcsh: version améliorée du csh, avec un support de l'édition de la ligne de
commande avec correction des commandes tapées
cmd: Commande line
