فهاد المقال غادي نتعرفو على كيفاش نحسبو الـ Premier و Dernier و الـ Masque والـ Diffusion
اول حاجة خاصكم تعرفو هو لاطاي ديال أي Adresse IPv4 هي 32bit..
كيفاش تا جات 32 bit ؟ كاع الـ Adresse كيتكونو من ربعة ديال les octets بحال هاذي مثلا: 192.144.9.0
فيها ربعة ديال الأرقام بيناتهم نقط.. كل رقم كاين فأوكطيط.. وكل أوكطيط فيه 8 ديال لي بيت (bit)
يعني الى درنا عملية حسابية:
كيفاش تا جات 32 bit ؟ كاع الـ Adresse كيتكونو من ربعة ديال les octets بحال هاذي مثلا: 192.144.9.0
فيها ربعة ديال الأرقام بيناتهم نقط.. كل رقم كاين فأوكطيط.. وكل أوكطيط فيه 8 ديال لي بيت (bit)
يعني الى درنا عملية حسابية:
8*4=32 bit
هاكا كيفاش حصلنا على 32 bit..ندوزو للمهم دبا.. ولي هو كيفاش نحسبو الـ Adresse IP !
عندنا فكل Adresse جوج ديال Le Parties ..
أولا:
عندنا فكل Adresse جوج ديال Le Parties ..
Partie Réseau و Partie Hôte
هاد جوج بارتي غاينفعونا فالحساب.. والحساب كنديروه ملي كنبغيو نفرقو ليزادريس على مجموعة ديال البيسيات سواء كانو فلوكال واحد ولا مفرقين . مايهمناش حنى دبا خاصنا نعرفو كيفاش غانحسبو..أولا:
Partie Réseau
كيكونو فيها ديما غير الوحدات (111111111)
Partie Hôte
كيكونو فيها ديما غير الزيروات (00000000)
مزيان غير زيدو تبعو وركزو شويا غاتفهمو..علاش الزيروات والوحدات.. حيت فالحساب كنحولو الادريس ip لي كتكون على شكل ديسمايل للبينير..
كتكون عندنا كل آدريس بالـ Prefixe ديالها, أو الماسك ديالها. هما كيعبرو عن نفس الشيء غير طريقة الكتابة تختلف, البريفكس كيكون بحال هاد الشكل مثلا:
/24
الماسك كيكون بهاد الشكل:
255.255.255.0
نعطيكم مثال بسيط باش تفهمو كيفاش:
مثلا هاد الادريس: 10.1.1.0/26
مثلا هاد الادريس: 10.1.1.0/26
Nombre de bit préfixe: 26
إلى حولنا هاد 26 بكتابة على شكل ديسيمال, غاتولي بهاد الشكل:
255.255.255.192
بعض المرات غاتكون عندنا أدريس ماعندها لا بريفيكس ولا ماسك. إذن كيفاش غانديرو نعرفو الماسك ديالها ؟ غانعرفوه عن طريق الكلاس ديالها, هنا خاصك تكون ديجا عارف شنو هما أنواع الكلاسات لي كاينين, وأنا غانسهل عليك الأمر شويا ونعطيك واحد التذكير بسيط ومن بعد نتا سير قلب على هادشي وفهموا مزيان, حيت ضروري.
الكلاسات
عندنا خمسة ديال لي كلاس فالأدريس أي بي من نوع 4 أي ipv4 :
Classe A : 0 - 127 /8
Classe B : 128 - 191 /16
Classe C : 192 - 223 /24
Classe D : 224 - 239
Classe E : 240 - 255
آشنو كيعني هادشي؟ غانعطيك مثال ﻷنه بالمثال يتضح المقال, لنفترض عطاوك هاد الأدريس:
195.16.1.0
قالو لك حسب لينا الـ Premier و Dernier و الـ Masque والـ Diffusion ديالها.
أول حاجة خاصك تعرف الماسك ديالها, وحنى قلنا الفوق بلي الماسك تقدر تعرفو من خلال الكلاس ديال الأدريس, إذن فهاد الحالة الكلاس ديال هاد الأدريس شنو هو وكيفاش غانعرف ؟
غانشوف أول أوكطيط باش كيبدا, فهاد لادريس كيبدا بـ 195 إذن الادريس من الكلاس C لأن الكلاس سي لابلاج ديال لي زادريس لي فيه كتبدا من 192 وكتسالي فـ 223 والبروفيكس ديالها هو /24 يعني الماسك هو :
255.255.255.0
صدقنا فموضوع آخر حيت درنا تذكير بسيط. لذلك إلى ماكنتيش فاهم هاد المسألة ديال لي كلاس خاصك ضروري تقلب عليها وتفهمها مزيان.
دبا غاتركزو ليا على ديك اللعيبة ديال فكل Octet كاينين 8bit
هاذي غادي نحتاجوها فالحساب بزااف وهي لي عليها كولشي.
هاذي غادي نحتاجوها فالحساب بزااف وهي لي عليها كولشي.
حساب Masque
اجي دبا نحسبو Partie Hôte ولي كتخرج لينا الـ Masque..غاناخذو هاد المثال نخدمو عليه: 10.1.1.0/26
الطريقة كيفاش كنحصلو على الـ Partie Hôte هي هاذي..
كيف قلنا عندنا فكل Octet كاينة 8bit.. هنا عندنا نومبر بخيفيكس هو 26.. وكيف سبق لينا قلنا الـ partie réseau كيكونو فيها الواحدات.. والـ partie hôte كيكونو فيها الزيروات..
عندنا هاد الادريس 10.1.1.0 الى شدينا دوك لي أوكيطيط دياولها ورجعناهم على هاد الشكل: (البينير)
11111111.11111111.11111111.11000000
قبل ماتكملو القرايا.. رجعو قراو هاد العدد وشوفو شحال كاين من رقم فكل أوكطيط.. !؟
قريتيهم ياك.. كاينين 8 الارقام.. يالاه دبا رجعو حسبو شحال كاين من 1 ؟
لقيتو بلي كاينين 26 ياك.. ايوا راه دوك 26 لواحد هو النومبر بخيفيكس..
والى شدينا هاد الرقم:
11111111.11111111.11111111.11 000000
وقسمنا الواحدات بوحدهم والاصفار بوحدهم.. دوك الأصفار هما لي كنسميوهم partir hôte
ودوك الواحدات هما لي كنسميوهم partie réseau
كنظن دبا راكم فهمتو علاياش كنت داوي فالاول.. نكملو الحساب.
هاذي ديروها فبالكم ديما بحال شي خاصية باش بلاما تبقى تحمقكم فالحساب.. ملي كتكون عندنا كاز فيها 8 ديال الواحدات فراها اوتوماتيكمون كتساوي 255.. يعني ملي تكونو كتحسبو تلقاوها خرجات ليكم 8 الواحدات كتبو 255 عاد دوزو للاخرين حسبوهم..
ودوك الواحدات هما لي كنسميوهم partie réseau
كنظن دبا راكم فهمتو علاياش كنت داوي فالاول.. نكملو الحساب.
هاذي ديروها فبالكم ديما بحال شي خاصية باش بلاما تبقى تحمقكم فالحساب.. ملي كتكون عندنا كاز فيها 8 ديال الواحدات فراها اوتوماتيكمون كتساوي 255.. يعني ملي تكونو كتحسبو تلقاوها خرجات ليكم 8 الواحدات كتبو 255 عاد دوزو للاخرين حسبوهم..
فهاد الحالة هنا عندنا ثلاثة ديال لي أوكطيط فيهم 8 الواحدات.. يعني غانجيو دبا نيشان غانكتبو :
255.255.255
ونحسبو داك الأوكطيط لي بقى لينا.. بقاو فيه جوج ديال الواحدات (11)
11000000
هاذو غادي نحسبوهم بالطريقة العادية لي كنحولو بيها من البينير للديسمايل.. غاتخرج لينا على هاد الشكل:
11000000
هاذو غادي نحسبوهم بالطريقة العادية لي كنحولو بيها من البينير للديسمايل.. غاتخرج لينا على هاد الشكل:
128+64= 192
إذن الماسك ديالي هو :
255.255.255.192
بما أنك كتقرا لادريساج فراه لا شك أنك كتعرف كيفاش تحول من البينير للديسيمال والعكس, أما لا ما كنتيش كتعرف فراه مشكل هذا مشكل كبير بالنسبة ليك إلى كنتي كتقرا الريزو. أما لا كنتي غير هاوي وكتعلم للريزو فكنصحك تمشي تقرا الماط أبليكي قبل ما تخدم هادشي, وراني ديجا شرحت هاد الموضوع فمقال سابق على الموقع غاتلقاه تحت إسم الأنظمة العديدة
حساب Premier Adresse
دبا غاندوزو للمرحلة الثانية ولي غانحسبو فيها الـ Premier adresse
غادي نبسطوها على هاد الشكل باش تفهمو أكثر:
10.1.1.00000000
ماتخلعو ما تدهشو.. راه ماتبدل وااالو نفس الادريس غا انا حولت اخر أوكطيط للاصفار الى حسبتو غاتلقاو بلي كاينين 8 ديال الاصفار شيء عــادي.. دبا باش نحسبو الـ Premier Adresse خاصنا نعوضو آخر 0 بالـ 1 يعني غاتولي عندنا الادريس على هاد الشكل:
10.1.1.00000000
ماتخلعو ما تدهشو.. راه ماتبدل وااالو نفس الادريس غا انا حولت اخر أوكطيط للاصفار الى حسبتو غاتلقاو بلي كاينين 8 ديال الاصفار شيء عــادي.. دبا باش نحسبو الـ Premier Adresse خاصنا نعوضو آخر 0 بالـ 1 يعني غاتولي عندنا الادريس على هاد الشكل:
10.1.1.00000001
يعني الادريس غاتولي على هاد الشكل ملي غانحسبوها ومنساوش نزيدو ليها النومبر بخيفيكس.
10.1.1.1/26
وها حنى لقينا الـ Premier Adresse ببساطة.
حساب Dernier Adresse
غاندوزو للمرحلة الثالثة ولي كتسمى بحساب Dernier Adresse
غاناخذو تاني نفس الادريس لي كنخدمو عليها طبعا ولي هي: 10.1.1.0/26
غادي نبسطوها بهاد الشكل:
10.1.1.00000000
وغادي نشدوها دبا غانحايدو دوك جوج اصفار لي كانو داخلين فالـ Partie réseau بحال هاد الشكل:
10.1.1.00|000000
ماغاديش نحسبو دوك جوج اصفار حيت داخلين مع البارتي ريزو كيف قلنا.. دبا غاناخدو دوك الاصفار لي بقاو لينا وغادي نعوضوهم كلهم بالواحدات إلا آخر رقم بحال هاد الشكل:
10.1.1.00111110
علاش درنا هادشي, الأرقام لي باللون الأزرق هي الأرقام لي داخلة فالـ Partier Reseau ولي كتساوي 26 بت والبارتي ريزو ماكتبدلش, لذلك غانخليوها تـابثة, وبالنسبة للصفر الأخير لي باللون الأحمر فراه هو لي عطيناه للبروميير أدريس إذن هنا غانرجعوه صفر وليس 1. وما تبقى من بتات غانرجعهم كاملين وحدات (11111)
مزيـان دبا غادي نحسبو داك الأوكطيط شحال غاتعطينا.. طبعا الحساب كيكون بالطريقة العادية التحويل من البينير للديسيمال.
32+16+8+4+2=62
وبالتالي: الادريس ديالنا غاتخرج على هاد الشكل:
10.1.1.62/26
حساب Diffusion
دبا غاندوزو للمرحلة الرابعة والأخيرة.. ولي كنسميوها. Diffusion
غاناخذو تاني نفس الادريس لي كنخدمو عليها طبعا ولي هي: 10.1.1.0/26
غادي نبسطوها بهاد الشكل وبلاما نحسبو جوج اصفار لي قلنا داخلين مع البارتي ريزو:
10.1.1.00000000
غادي نعوضو الاصفار لي بقاو لينا كــاملين بالواحدات بحال هاد الشكل:
10.1.1.00111111
وغادي نحسبوها عادية.. غادية تخرج لينا على هاد الشكل:
32+16+8+4+2+1=63
وهاكا غانكونو حسبنا لادريس ديالنا من طاق طاق تا للسلام عليكم..
غانزيد شروحات أخرى ديال أشياء أخرى متعلقة بالـ Segmentation مثل الـ VLSM إن شاء الله.
إلى بغيتي طيليشارجي الـ pdf ديال هاد الدرس ها الرابط مباشر:
