أنظمة الملفات | File Systems
الموضوع كبير وماعرفتش منين نبداه صراحة، ولكن انحاول نغطي أهم النقاط ونتمى نكون موفق في إيصال الفكرة.
أنظمة الملفات أو مايسمى بالفرنسية Système de Gestion des fichiers أو بالإنجليزية File Systems هاذ الأنظمة هي الأساس ديال أي نظام تشغيل System d'exploitation بحيث هي لي كتنظم الملفات فوحدات التخزين (Disque Dur).
كيفاش كيدير ينظم هاذ الملفات؟
فالديسك دير عندنا ما يسمى بالـ Clusters بحال الى قلتي واحد المكتبة كبيــرة بزاف فيها رفوف صغيرة. هاذ النظام ديال الملفات هو لي كيحدد حجم كل ملف غاتحطو فهاذ الـ Clusters، وكيحدد الموقع ديالو فين غايتحط بالضبط، واشمن نوع ديال هاذ الملف، وكيحدد شكون عندو الحق يوصل لهاذ الملف بمعنى شكون ممكن يفتحو وشكون ممكن يموديفي فيه إلخ.. وأيضا كيتحقق من التوافق ديال صيغ الملفات مع البرامج لي مآنصطاليا فالبيسي.. وهو لي كيقرر واش الملف كومباتيبل باش يتفتح فشي آبليكاسيون ولا لا.. وعاد كيحمي البيانات باش مايضيعوش ولا يتأونداماجاو وكيسيكيريزيهم عن طريق التشفير...
هاذشي كامل كيديروه هاذ أنظمة الملفات وسط نظام التشغيل.
الأنواع الشائعة لأنظمة الملفات
كنلقاو بزاف ديال الأنواع من هاذ أنظمة الملفات. منهم ما هو قديم ومنه ما هو جديد وكل واحد وفين كيتم الاستخدام ديالو.
1. FAT12, FAT16, FAT32
هاذو أقدم أنواع الملفات، وربما راك غاتعرف شكون الأقدم فيهم حتى للأحدث عن طريق الأرقام لي فيهم. ودوك الأرقام لي فيهم نيت هو تعبير على شحال الحجم ديال البت ديالهم. وهذا هو الحجم ديال التخزين لي ممكن يوصلو ليه بثلاثة بهم:
- FAT12: 32Mo
- FAT16: 4Go
- FAT32: 128Go
مثال عملي: عندما تستخدم مفتاح USB بحجم 16Go، يمكن أن يكون مُنسَّق بنظام FAT32، مما يتيح لك نقل الملفات بين أنظمة تشغيل مختلفة (مثل Windows وMac) بسهولة.
2. NTFS
عندنا نظام آخر لي هو NTFS ولي هو نظام جديد جا فبلاصة الـ FAT بحيث أنه تم تطويره باش يقدر يسيبورطي حجم أكبر للملفات. لي وصلات لـ 16exabytes وكل إكزابايت كتساوي مليون تيرا بايت.. مما يعني أنه عمليا الملف ماعندوش حد..
مثال عملي: عندك قرص صلب بحجم 1TB ومُنسَّق بنظام NTFS، يمكن لك تخزين ملفات كبيرة الحجم (حتى 16TB) مثل فيديوهات عالية الدقة أو صور RAW.
3. exFAT
هذا نظام خرجاتو مايكروسوفت للفلاشات USB لي كتكون السعة التخزينية ديالها كبيرة هما والـ SD Card. وهو نظام كيجمع ما بين حجم NTFS وسرعة FAT.
مثال عملي: إذا كنت تستخدم بطاقة SD بسعة 128Go لتصوير الفيديو، نظام exFAT كيمكنك من تخزين فيديوهات كبيرة دون مشاكل.
4. ext2, ext3, ext4
هاذ الأنظمة خارجة لأنظمة التشغيل لينكس. بحيث خرج فالأول ext ومن موراه جا ext2 للتحسين، من بعد جا ext3 لي زاد خاصية Journaling File System وأخيرا عام 2008 تم طرح نظام ext4 لي كيخدمو بها حاليا. أقصى حجم الملف هو 16TB ولحجم الديسك دير 1EB.
مثال عملي: يمكن استخدام ext4 لتخزين البيانات في خادم لينكس، مما يتيح أداء أفضل وسرعة في استرجاع البيانات.
5. HFS, HFS+, APFS
هاذو أنظمة خرجاتهم شركة آبل كيخدمو لأجهزة Mac ولنظام MacOS.
مثال عملي: إذا كنت تستخدم جهاز Mac مع نظام APFS، يمكنك الاستفادة من الأداء العالي في تخزين الملفات على أقراص SSD.
تفاصيل إضافية حول أنظمة الملفات
- أهمية التنظيم: كل نظام ملف كيساعد على تنظيم البيانات بشكل فعّال، وهادشي كيساعد فسهولة الوصول للملفات وإدارتها.
- التوافق: كل نظام عنده ميزات خاصة، وكيكون عنده قيود على أنواع الملفات والأنظمة اللي يمكن تشغيله فيها.
التأثيرات المستقبلية
- التخزين السحابي: مع تزايد استخدام التخزين السحابي، يمكن أن تتغير طريقة تخزين البيانات وإدارة الملفات بشكل كبير.
- التطورات الجديدة: كيما نشوفو تطورات جديدة في أنظمة الملفات، بحال تحسين الأداء والتوافق مع التكنولوجيا الحديثة.
الخاتمة
نتمنى تكون وصلاتكم الفكرة واستفدتو من المعلومات اللي ذكرتها حول أنظمة الملفات. هاذ الأنظمة هي جزء أساسي من نظم التشغيل، وفهمها كيساعدنا على التعامل بشكل أفضل مع البيانات.
