تقنية الــ VOIP
تقنية الــ VOIP من أجمل التقنيات الموجودة فعالم الشبكات. وتقنية لي دارت نقلة نوعية فمجال الاتصالات. بحيث أنها سهلات عمليات الإتصال عند بزاف دالشركات إن لم أقل كل الشركات فالعالم صغيرة وكبيرة كتخدم بهاد التقنية.
الـ VOIP هي إختصار لــ Voice Over Internet Protocol
أي نقل الصوت عن طريق بروتوكول الـ IP هاد العملية كتم عن طريق تحويل الإشارات الصوتية من الـ Analog إلى الـ Digital
فالشركات قبل ظهور هاد التقنية كانو كيخدمو بلي كابل ديال الريزو بوحدهم كيخدمو بيهم الانترنت وكيربطو بيهم السويتشات والروتورات مع بعضهم. وكان خاصهم أيضا كابلات أخرى ديال الطيليفون باش يخدمو بيها الهواتف لي فالإدرات ديالهم. لي من خلالها كيقدرو يتواصلو مع بعضهم. (المدير كيصوني على السيكريطيرة باش تحيب ليه الملفات..)
ملي جات تقنية الــ VOIP قالت ليهم كولشي غايولي يدوز فالكابلات ديال الريزو.. يعني كابل ريزو غا يدوز الإنترنت وكذلك المكالمات, هنا ضربنا عصفوران بحجرة واحدة. نقسنا من كثرة الكابلات, ونقصنا التكلفة ديال الاشتراك مع خدمة الهاتف, بحيث الإتصال مع الــVOIP غا يولي مجــاني. لهذ ولات هي التقنية المنتشرة فكل بقاع العالم.
إعدادات البروتوكول على راوترات سيسكو
ندوزو لطريقة إعدادات هاد البروتوكول على راوترات سيسكو.
أولا كنديرو واحد ال Pool ديال Dhcp بهاد الشكل:
ip dhcp pool VOICE
network 192.168.10.0 255.255.255.0
default-router 192.168.10.1
option 150 ip 192.168.10.1
من بعد نكرييو ال Vlans فالسويتش ونآفيكطيو كل Port للفيلان الخاص به وليكن مثلا بهاد الشكل:
Vlan 10
Vlan 20
Interface f0/1
Switchport voice vlan 10
Interface f0/0
Switchport mode trunk
ندوزو دبا للكونفيغ ديال voip:
telephony-service
Max-dn 3
Max-ephones 3
ip source-address 192.168.10.1 port 2000
هنا درنا الكوموند لي غاتآكتيفي لينا الخدمة ديال voip. من بعد درنا العدد ديال الأرقام لي عندنا وزدنا موراه العدد ديال لي زاباراي لي عندنا. وفالأخير عطيناهم الآدريس لي غاياخذو والبورت باش غايخدمو.
Ephone-dn 1
Number 111
Ephone-dn 2
Number 222
Ephone-dn 3
Number 333
هنا كل آباراي عطيناها الرقم باش غاتخدم.
ندوزو دبا باش نأبليكيو هادشي على لي زاباراي:
Ephone 1
Button 1:1
Ephone 2
Button 1:2
Ephone 3
Button 1:3
في حالة إذا كانو عندنا جوج ريزوات بعاد على بعضهم وبغيناهم يتكونيكطاو، غايخصنا نديرو كونفيغ آخرى، طبعا خاص يكون الروتاج خدام قبل:
Dial-peer voice 1 voip
Destination-pattern 3..
Session target ipv4:10.10.10.2
هنا كنحديرو الكوموند المسؤولة على هاد العملية، وكنزيدو حداها id ديال voip لي عندنا. من بعد كنحددو ليه شنو هما الأرقام لي باغيين نتاصلو بهم. كنعطيو غير الرقم الاول فقط وكنكملو بالنقاط، على حسب الرقم شحال فيه من رقم. وأخيرا كنحددو ليه نوع الجلسة لي غاتكون، بآشمن نوع من ليزادريس حنى خدامين بيه. وكنعطيوه الأدريس لي فالانطيرفاص لي كتدخل للروتور لي فالريزو الاخر.
الخلاصة
تقنية الــ VOIP تعتبر من أهم الابتكارات فمجال الاتصالات. هاد التقنية كتساعد بزاف الشركات فالتواصل بينهم وتقلل التكاليف. إعداداتها على راوترات سيسكو بسيطة، ولكن خاصها دقة فالتنفيذ لضمان الأداء الجيد. مع تطور التكنولوجيا، الــ VOIP غادي تبقى خيار مفضل للعديد من الشركات والأفراد.
