الأوامر التالية : gedit - nano - vi
هي محررات ديال الكتابة. بحال النوتباد لي فالوينداوز هما لي كيمكنونا من الكتابة داخل شي فيشيي أو التعديل عليه.
برنامج gedit
هو برنامج لتحرير النصوص جميل وبسيط للغاية. يمكن ليك تكتب فيه أي حاجة بغيتي. ويمكن ليك تخدم بيه حتى كمحرر للغات البرمجة. إلى ماكانش متوفر فالنظام ديالك يمكن ليك تآنصطايه عن طريق هاد الامر:
sudo apt-get install gedit
برنامج nano
أيضا برنامج زوين وسهل في التعامل, عيبه أنه كيتفتح فالطيرمينال. وباش تعدل على شي فيشيي فيه خاصك تعدلو وسط الطيرمينال. ماشي بحال gedit لي كيتفتح فنافذة خاصة بيه وكتعدل بكل أريحية. إلى ما كانش متوفر فالسيسطيم ديالك يمكن ليك تبثو عن طريق الأمر:
sudo apt-get install nano
برنامج vi
شبيه لبرنامج نانو. حتى هو كيتفتح فالطرفية. وكتعدل على داكشي لي باغي داخل الطيرمينال.
باش تبث البرنامج على السيسطيم استعمل الأمر:
sudo apt-get install vi
إلى كنتي من مستخدمي الأوبنتو فأنصحك باستخدام المحرر gedit حيت سهل وبيسط وجميل.
