تقدر تكون خدام بشي توزيعة ديال لينكس بحال توزيعة الكالي مثلا.. لي ما كتكونش فيها حزمة الـ Libre office لذلك غايخصك طيليشارجيها وتأنصطاليها راسك. الطريقة سهلة.
أولا: غاتمشي للموقع الرسمي ديال Libre office
من بعد مااتدخل ليه اتطلع ليك هاد الواجهة. لي من خلالها تقدر طيليشارجي الحزمة لي كتناسب النظام ديالك.
وحنى هنا نتعامل مع التوزيعات الديبيانية. داكشي علاش غانختارو نسخة بالامتداد ديال .deb
ونطيليشارجيوها. من بعد ماتكمل غاندوزو للخطوة التالية.
تانيا:
غايطلع لينا بهاد الشكل. يعني أن الملف غايكون مضغوط خاصنا نفكو عليه الضغط.
باش نفكو عليه الضغط, كاينين جوج طرق سواء بالـ Terminal او بالكرافيك.
وفهاد الحالة نستعملو الكرافيك لأنه أسهل, وغايكون بحال شكل التعامل مع الوينداوز. غاتسيليكسيوني الملف وتكليكي droit وتختار Extrat Here
من بعد ما يتم فك الضغط على الملف غاندخلو ليه
من بعد ندخلو للمجلد DEB
من بعد ايطلعو لينا بزاف دالملفات, غانمشيو لشي بلاصة خاوية وسط دوك الملفات ونكليكيو Droit ونختارو خيار Open Terminal
غايطلع لينا الــ Terminal بهاد الشكل. وغانكتبو فيه الأمر التالي:
sudo dpkg -i *.deb
غايطلب منك المودباص باش يقدر يدخل للروت. كتب المودباص ديال النظام ديالك طبعا.
هاد الأمر غايمكننا من أننا نأنصطاليو الحزم
من بعد غاتخليه حتى يكمل على خاطرو.. وراه غاتلقى كولشي ولا عندك.
