نظام لينكس فيه بزاف ديال التوزيعات لي تقريبا كيتشابهو فالمزايا ديالهم.. ولكن كتلقى بعض الإختلاف بيناتهم.. فكاينة التوزيعة لي مبنية على Debian ولي مبنية على RHEL او Ubuntu أو Opensuse إلخ..
ومن بين أوجه الإختلاف هو التثبيت ديال البرامج أو الحزم Package
فمثلا إلى كنتي خدام بالأوبنتو فراك غاتعامل مع الحزم ديال deb هاد الحزم بهاد الصيغة كيكونو مضغوطين.. بحال البلان ديال rar فالوينداوز.. تاهما كيكونو مكومبريسيين.. ومن بعد ما كديكومبريصيه كيخصك تآنصطاليه.. والأنصطالاسيون ماشي بحال الوينداوز.. بل خاصك تآنصطاليه عن طريق الطيرمينال. ومع هاد النوع من الحزم كنستعملو الكوموند التالية للتثبيت:
dpkg -i *.deb
طبعا الكوموند خاصها تكون مكتوبة Minuscule وفبلاصة ديك النجمة كنكتبو الإسم ديال الحزمة لي عندنا. وهاكا كتم عملية التثبيت.
.
فيما يخص الحزم ديال rpm فتا هي نفس البلان ديال deb كيختالفو فطريقة التثبيت.. وباش نتبثو حزمة من نوع rpm كنستعملو الكوموند التالية:
rpm -ivh *.rpm
فبلاصة النجمة كنكتبو إسم الحزمة وهاكا كيتم التثبيت ببساطة.
سؤال: واش ممكن حزمة deb تخدم مع توزيعة Debian أو العكس ؟
هي يمكن ليها تخدم لكن عن طريق برامج لي كتساعد على التحويل ديال الحزم.. لكن ماشي مضمون 100% تخدم. لذلك لا ينصح بها إلا فالحالات النادرة.
