خطوات ما بعد الفورماط خاصك ديرها باش تستخدم الوينداوز بشكل جيد.
بالنسبة للناس لي ماكيعرفوش يفورماطيو البيسي راسهم،
هذا فيديو ديجا شرحت فيه كيفاش تفورماطي البيسي من الألف الى الياء
:
وهذا فيديو غادي يوريك كيفاش تحرق أي نسخة ديال الوينداوز فكلي USB في حالة إلى ماعندكش DVD باش تفورماطي:
أو تقدر ترجع المقال ديال طريقة لحرق ويندوز10 على فلاشة
من بعد ما تفورماطي البيسي ديالك، وأنصحك الى كان عندك بيسي ذو مواصفات مزيانة خدم بالوينداوز 10,
أول حاجة غادير من بعد ما تفورماطي، اتدخل من المتصفح لي كتكون عاطياه ليك ميكروسوفت مع الوينداوز. غاتكتب فروشيرش موقع Ninite, ها الرابط ديالو:
عندك تماك مجموعة من التطبيقات لي غاتحتاجها على رأسهم chrome و winrar وشوف نتا شنو غايخصك فهاذوك التطبيقات طيليشارجيهم. علاش نينيت ؟ حيت موقع كيسهل عليك بزاف وكيآنصطالي البرامج بضغطة زر واحدة.
الخطوة الثانية طيليشارجي حزمة .Net Faremwark كتب فكوكل
Download .Net faremwark
أيطلع ليك الموقع الاول ديال ميكروسوفت ودخل طيليشارجيهم وآنصطاليهم من 2.0 حتى لآخر فيرزيون كاينة، باش في حالة خدمتي شي لعبة أو برنامج قدييم غادي يخدم بلا مشاكيل. والى كنتي معكاز ها الرابط:
الخطوة الثالثة اتمشي طيليشارجي visual c++ كتب فكوكل
Download visual c++
ايخرج ليك موقع ميكروسوفت دخل طيليشارجي كاع النسخ من 2008 ولا على الأقل من 2013 والى كنتي معكاز ها الرابط:
الخطوة الرابعة غاتمشي طيليشارجي DirectX اتكتبها فكوكل عوتاني Download DirectX ايخرج ليك الموقع ديال ميكروسوفت ودخل طيليشارجيها على حسب الفيرزيون لي عندك واش فرنسية عربية انجليزية... والى كنتي معكاز عوتاني ها الرابط:
الخطوة الخامسة دير ميزاجور للسيطيم كامل من بعد ما تآنصطالي هاد الحزم، طريقة التثبيت راها ساهلة بزاف ماكاين لاش نشرحها.
بهاد الخطوات غاتفادا دوك المشاكيل ديال الإيرور لي كيطلعو ليك، خصوصا مشكل 0x000007b
هذا ما كان وبصحتكم.
