فهاد الموضوع غاندويو شويا على الإختراق والانواع دالهاكر وكيفاش تحمي راسك وكيفاش تدخل لهاد الضومين.
الاختراق ببساطة هو تدخل لشي موقع أو جهاز بطريقة غير قانونية.. يعني كتكسر الحماية ديال داك الضحية باش تقدر توصل للمعلومات ديالو كما كان نوعها.. هاد الإختراق كيديروه ناس كيقولو عليهم هاكرز.. كلمة هاكر هي أصلا مصطلح خاطئ.. فالكلمة الأصلية هي كراكر لي مأخوذة من كراك. بمعنى كسر يعني هرس الحماية باش تدخل.. ولكن من بعد ولا مصطلح الهاكر متداول بكثرة فصافي مشات عليهم هاكر.. وولاو فيهم أنواع ولي بزاااف دالأنواع ماشي غير دوك الثلاثة لي كتقراو فبعض المنشورات. الهاكر ذو القبعة السوداء والرمادية والبيضاء. الهاكرز فيهم بزااف غانذكر منهم شي وحدين باش تعرفوهم..
Black Hat Hacker .. White Hat Hacker .. Gray Hat Hacker .. Blue Hat Hacker .. Phreaker .. Elit Hacker .. Hobby Hacker ..
Hacktivist .. Spy Hacker .. Cracker .. Spammer .. Phisher .. Yellow Hat Hacker .. Cyberpunk ..
طبعا ماذكرتهمش كلهم حيت مزال كاينين انواع اخرين.. وتعمدت نخلي هاد النوع هو الاخير ولي سميتوا Script Kiddie هادو هما البراهش لي مكنحملش انا شخصيا ومانبغيكمش تكونوا منهم.. وهما نيت لي متواجدين بكثرة فالعرب بصفة عامة ووسط هاد الفايسبوك المغربي بصفة خاصة.. بلاما نطول هاد النوع هما لي كيبقاو ينقلوا من ناس اخرين ويطبقوا.. مثلا كيمشي يجيب سكريبتات واجدين وسكامات واجدين وادوات وبرامج ديال ناس اخرين.. وكيبدا يهجم على عباد الله وهو ماعارفش اصلا شنو كيعني داكشي كاع.. كمثال كتلقاهم كيسينياليو الفايسبوكات وكيقولك عندي واحد الكود يباني كيطيح الفايسبوك من الدقة الاولى.. تا آشمن كود اسي هذاك راه غا عبارة عن رسالة كتصيفطها لشركة فايسبوك كتقولهم فيها مثلا را هاد الشخص كيدير اعمال سيئة ماكتماشاش مع مجتمع فايسيوك.. وكتكون ديك الرسالة مقنعة الشيء لي كيخلي فايسبوك يمسح داك الحساب.. وهذا ما كان..
بنادم كيبين على أنه جاهل وغاكيوسخ الضومين.. الى كنتي غاتكون من هاد الناس ننصحك بلاما تدخل لهاد المجال..
نوع آخر سميتو Green Hat Hacker ولا Newb Hacker هاد النوع ماكيمارسو حتى نشاط بخصوص الهاك يعني ماكيديرو والو.. سواا أنهم كيقراو على هاد المجال.. عندهم رغبة فالتعلم وفضول كبير أنهم يتعلموا ويقراو على هاد الضومين.. فكيكتافيو بالقراءة فقط وماكيديرو حتى حاجة.. يعني فآخر المطاف كيعرف بزاف دالحوايج وكيفيدوه فأنه كيحمي راسو من جميع انواع الاختراقات.
.
أنواع الإختراق، عندنا الإختراق المادي والإختراق الرقمي..
فالاختراق المادي هو مثلا اختراق الأبواب لي كتكون هي نيت خدامة بنظام رقمي بحال الابواب ديال البادج.. وأيضا الاختراق ديال البطاقات البنكية مثلا عن طريق تقنية ال RFID وهاد الإختراق كيتعتامد فيه بزاف على تقنية الآردوينو.. تا نشرحوه تا هو فشي مقال.. يعني هاد النوع من الاختراق كيكون اختراق ملموس وكتكون النتائج ديالو فعالة بزااف.
والاختراق الرقمي ولي كينقاسم بدورو لثلاثة الانواع:
-الاختراق ديال المواقع والسيرفرات لي كتم عن طريق إيجاد ثغرات واستغلالها للدخول للنظام. -الاختراق ديال الأجهزة ولي كيتم عن طريق زرع شي تروجان مثلا فجهاز الضحية.. أو الاختراق ديال أجهزة الراوترات عن طريق الثغرات ديال نظم الحماية لي كتكون فيهم.
-الاختراق ديال الشبكات المحلية LAN عن طريق التعرض للترافيك بشي برامج تجسسية..
.
الطرق باش تحمي راسك من الإختراق، هو ماتبقاش تدخل للروابط المشكوك فيها.. كيفاش غاتعرف الرابط واش حقيقي ولا مزور.. غادي تشوف البداية ديالو كيفاش دايرة.. فمثلا الى قالك شي حد مثلا دخل دير ليا جيم لهاد الصفحة وصيفطلك شي ليان..
الى لقيتي فالاول ديال الليان http فعرف أن داك الرابط ماشي هو هذاك لأن فايسبوك كتعتامد على بروتوكول https وكاع المواقع لي مافيهاش بروتوكل https ماتدخلش لها حيت ما محمياش.. من بعد ماتتأكد من ها البروتوكول ويبان ليك أنه https زيد شوف شنو مكتوب حداه.. فإلى لقيتي www.facebook.com فصافي عرف أن داك الليان حقيقي وليس مزور.. ولكن رغم ذلك مزال ماثيقش حيت كاين بعض المرات كيديرو ليك القالب وسط فايسبوك نيت.. اذا كنتي كتمتالك شي صفحة أو كروب يقدرو يصيفطو لك رابط لي كيمكنك تعطي لداك الشخص صلاحية الادمن بمجرد ما تكليكي عليه. ويقدر يطلع أدمن ويسرق لك الكروب او الصفحة (تاا واحد ما يقوليا وريني كيف ندير) مهم غا مثال هذا وصافي..
الروابط المشكوك فيها هي لي كتكون مخربقة مثلا مامفهوماش وغالبا كتكون روابط ديال الصفحات المزورة.. وكاين بعض المواقع لي كتكون فيها دومينات مشابهة للدومينات ديال مواقع مشهورة بحال مثلا تقدر تلقى موقع على هاد الشكل: https://www.facbook.com هذا غايبان لك أنه بحال فايسبوك ولكن ماشي هو لأن الدومين ناقص منو حرف e يعني هنا تقدر تدار بيك. وهاذ البلان كيتستعمل بزاف فالسكامات ديال بايبل. يعني رد باالك الشريف.. وأيضا الايميلات ديال السبام لي كتجيك على شكل إشعار ديال شركة يوتيوب ولا فايسبوك ولا تويتر ولا كوكل ولا أي موقع عالمي مشهور.. ونتا كتدخل على نيتك. ديما راجع الايميل لي كيوصلك وتأكد منو أنه ديال إدارة الموقع.
وكاين واحد البلان نيت لاحظتو مؤخرا ديال دوك الصفحات لي كيقولك هنيئا يا سوعاض لقد فزت معنا بمبلغ 5000 درهم ادخل وتسجل برقم هاتفك وكذا.. وبنادم على نيتو كيدخل يتسجل وكيبقى موقع يلوحو لموقع.. هاد البلان كيديرووه الناس ديال CPA باش يجلبو الزوار اكثر ويستعملو بيناتكم فأعمالهم. ضونك الى وصلاتك شي لعبة بحال هاذي بلاما تدخل.. حيت مستحيل شي حد يعطيك شي حاجة فابور وسط هاد الانترنت. وأيضا ماتبقاوش تآنصطاليو تطبيقات خارجية يعني هاذوك لي كيعطيوكم الناس ولا لي كطيليشارجيو من شي مواقع.. بحال نيت دوك النسخ المعدلة ديال واتساب راه أغلبية دوك النسخ كيكونو دامجين فيهم تروجانات ونتوما غا كتبداو تآنصطاليو.
هاذو بعض الأساليب لي خاصك دير باش تفادا الاختراق.
ندوزوا دبا لشنو غايخصك نتا كمبتدأ باش تحتارف فالهاك..
قبل ماتختار اشمن نوع ديال الهاكر بغيتي تكون.. خاصك تنسى شي حاجة سميتها الهاك.. وتقرا الأساسيات ولي هما:
الشبكات: ولا كما يصطلح عليهم بـ Network هذا بحر.. قبل ماتقطع لبحر الهاك خاصك تدرع مزيان فوسط هاد البحر.. تعرف كيفاش كتخدم الانترنت كيفاش كيخدمو الاجهزة.. تعرف البروتوكولات لي كاينين ولاياش كيصلاحو.. تعرف البورتات.. تعرف كيفاش كيخدم LAN وكيفاش كيخدم WAN .. وزيد وزيد..
الإصلاح: ولا كما يطلح عليه بالـ Maintenanace هذا كذلك بحر.. خاصك تعرف كيفاش تصلح البيسي ديالك الى خسر ليك سواء Hardware ولا Software .
أنظمة التشغيل: ولا كما يطلق عليهم Systeme d'exploitation خاصك تكون كتفهم فيهم وتعرف تخدم فيهم.. ولي أكثر تداولا فالعالم هما وينداوز لينيكس والماك والاندرويد.. ونتا كشخص باغي تبع الهاك.. خاصك يا أخي تتعلم تخدم فاللينكس.. حيت الاوامر لي كيخدموا فالهاك غير ديال لينيكس فقط.. أما ديال وينداوز ماعاطينهمش.. كيتستعملوا غا فالدووس اطاك ولكن عيانين.. وكإضافة الاوامر ديال لينيكس ماشي هما ديال وينداوز.. مثلا الأمر ديال أفيشي (يعني عرض) فوينداوز كنديروا Dir فلينيكس كنديرو ls يعني كاين فرق كبير بين الاوامر.. لذلك خاصك تعلم لينيكس.
البرمجة: كذلك خاصك تتعلم بزاف ديال لغات البرمجة ولي غاتفيدك فكيفاش تلقى الثغرات وكيفاش تكتب السكريبتات وكيفاش تصنع فيروسات وسكامات وزيد وزيد.. ومن بين اللغات لي خاصك تكون كتعرفها بايثون، جافاسكريبت، Php، باش ملي يتحط قدامك الكود تعرف تقراه وتشوف العيوب لي فيه.
هاد ثلاثة الأشياء الى ماقريتيهمش بلاما تعيي راسك وتقول غاندخل لمجال الهاكر.. خاص يكون عندك من كل فن طرب.. تكون كتفهم فيهم كاملين باش ملي توصل للهاك يجيك ما.. وماتلقاش صعوبة كبيرة فالتعلم ديالو..
كنظن هادشي لي كاين.. وكنتمنى نكون فدتكم بشي حاجة
.. وتكونوا خديتو النظرة الصحيحة على هاد المجال. وهاكا كنكونو دوينا على الاختراق.
الاختراق ببساطة هو تدخل لشي موقع أو جهاز بطريقة غير قانونية.. يعني كتكسر الحماية ديال داك الضحية باش تقدر توصل للمعلومات ديالو كما كان نوعها.. هاد الإختراق كيديروه ناس كيقولو عليهم هاكرز.. كلمة هاكر هي أصلا مصطلح خاطئ.. فالكلمة الأصلية هي كراكر لي مأخوذة من كراك. بمعنى كسر يعني هرس الحماية باش تدخل.. ولكن من بعد ولا مصطلح الهاكر متداول بكثرة فصافي مشات عليهم هاكر.. وولاو فيهم أنواع ولي بزاااف دالأنواع ماشي غير دوك الثلاثة لي كتقراو فبعض المنشورات. الهاكر ذو القبعة السوداء والرمادية والبيضاء. الهاكرز فيهم بزااف غانذكر منهم شي وحدين باش تعرفوهم..
Black Hat Hacker .. White Hat Hacker .. Gray Hat Hacker .. Blue Hat Hacker .. Phreaker .. Elit Hacker .. Hobby Hacker ..
Hacktivist .. Spy Hacker .. Cracker .. Spammer .. Phisher .. Yellow Hat Hacker .. Cyberpunk ..
طبعا ماذكرتهمش كلهم حيت مزال كاينين انواع اخرين.. وتعمدت نخلي هاد النوع هو الاخير ولي سميتوا Script Kiddie هادو هما البراهش لي مكنحملش انا شخصيا ومانبغيكمش تكونوا منهم.. وهما نيت لي متواجدين بكثرة فالعرب بصفة عامة ووسط هاد الفايسبوك المغربي بصفة خاصة.. بلاما نطول هاد النوع هما لي كيبقاو ينقلوا من ناس اخرين ويطبقوا.. مثلا كيمشي يجيب سكريبتات واجدين وسكامات واجدين وادوات وبرامج ديال ناس اخرين.. وكيبدا يهجم على عباد الله وهو ماعارفش اصلا شنو كيعني داكشي كاع.. كمثال كتلقاهم كيسينياليو الفايسبوكات وكيقولك عندي واحد الكود يباني كيطيح الفايسبوك من الدقة الاولى.. تا آشمن كود اسي هذاك راه غا عبارة عن رسالة كتصيفطها لشركة فايسبوك كتقولهم فيها مثلا را هاد الشخص كيدير اعمال سيئة ماكتماشاش مع مجتمع فايسيوك.. وكتكون ديك الرسالة مقنعة الشيء لي كيخلي فايسبوك يمسح داك الحساب.. وهذا ما كان..
بنادم كيبين على أنه جاهل وغاكيوسخ الضومين.. الى كنتي غاتكون من هاد الناس ننصحك بلاما تدخل لهاد المجال..
نوع آخر سميتو Green Hat Hacker ولا Newb Hacker هاد النوع ماكيمارسو حتى نشاط بخصوص الهاك يعني ماكيديرو والو.. سواا أنهم كيقراو على هاد المجال.. عندهم رغبة فالتعلم وفضول كبير أنهم يتعلموا ويقراو على هاد الضومين.. فكيكتافيو بالقراءة فقط وماكيديرو حتى حاجة.. يعني فآخر المطاف كيعرف بزاف دالحوايج وكيفيدوه فأنه كيحمي راسو من جميع انواع الاختراقات.
.
أنواع الإختراق، عندنا الإختراق المادي والإختراق الرقمي..
فالاختراق المادي هو مثلا اختراق الأبواب لي كتكون هي نيت خدامة بنظام رقمي بحال الابواب ديال البادج.. وأيضا الاختراق ديال البطاقات البنكية مثلا عن طريق تقنية ال RFID وهاد الإختراق كيتعتامد فيه بزاف على تقنية الآردوينو.. تا نشرحوه تا هو فشي مقال.. يعني هاد النوع من الاختراق كيكون اختراق ملموس وكتكون النتائج ديالو فعالة بزااف.
والاختراق الرقمي ولي كينقاسم بدورو لثلاثة الانواع:
-الاختراق ديال المواقع والسيرفرات لي كتم عن طريق إيجاد ثغرات واستغلالها للدخول للنظام. -الاختراق ديال الأجهزة ولي كيتم عن طريق زرع شي تروجان مثلا فجهاز الضحية.. أو الاختراق ديال أجهزة الراوترات عن طريق الثغرات ديال نظم الحماية لي كتكون فيهم.
-الاختراق ديال الشبكات المحلية LAN عن طريق التعرض للترافيك بشي برامج تجسسية..
.
الطرق باش تحمي راسك من الإختراق، هو ماتبقاش تدخل للروابط المشكوك فيها.. كيفاش غاتعرف الرابط واش حقيقي ولا مزور.. غادي تشوف البداية ديالو كيفاش دايرة.. فمثلا الى قالك شي حد مثلا دخل دير ليا جيم لهاد الصفحة وصيفطلك شي ليان..
الى لقيتي فالاول ديال الليان http فعرف أن داك الرابط ماشي هو هذاك لأن فايسبوك كتعتامد على بروتوكول https وكاع المواقع لي مافيهاش بروتوكل https ماتدخلش لها حيت ما محمياش.. من بعد ماتتأكد من ها البروتوكول ويبان ليك أنه https زيد شوف شنو مكتوب حداه.. فإلى لقيتي www.facebook.com فصافي عرف أن داك الليان حقيقي وليس مزور.. ولكن رغم ذلك مزال ماثيقش حيت كاين بعض المرات كيديرو ليك القالب وسط فايسبوك نيت.. اذا كنتي كتمتالك شي صفحة أو كروب يقدرو يصيفطو لك رابط لي كيمكنك تعطي لداك الشخص صلاحية الادمن بمجرد ما تكليكي عليه. ويقدر يطلع أدمن ويسرق لك الكروب او الصفحة (تاا واحد ما يقوليا وريني كيف ندير) مهم غا مثال هذا وصافي..
الروابط المشكوك فيها هي لي كتكون مخربقة مثلا مامفهوماش وغالبا كتكون روابط ديال الصفحات المزورة.. وكاين بعض المواقع لي كتكون فيها دومينات مشابهة للدومينات ديال مواقع مشهورة بحال مثلا تقدر تلقى موقع على هاد الشكل: https://www.facbook.com هذا غايبان لك أنه بحال فايسبوك ولكن ماشي هو لأن الدومين ناقص منو حرف e يعني هنا تقدر تدار بيك. وهاذ البلان كيتستعمل بزاف فالسكامات ديال بايبل. يعني رد باالك الشريف.. وأيضا الايميلات ديال السبام لي كتجيك على شكل إشعار ديال شركة يوتيوب ولا فايسبوك ولا تويتر ولا كوكل ولا أي موقع عالمي مشهور.. ونتا كتدخل على نيتك. ديما راجع الايميل لي كيوصلك وتأكد منو أنه ديال إدارة الموقع.
وكاين واحد البلان نيت لاحظتو مؤخرا ديال دوك الصفحات لي كيقولك هنيئا يا سوعاض لقد فزت معنا بمبلغ 5000 درهم ادخل وتسجل برقم هاتفك وكذا.. وبنادم على نيتو كيدخل يتسجل وكيبقى موقع يلوحو لموقع.. هاد البلان كيديرووه الناس ديال CPA باش يجلبو الزوار اكثر ويستعملو بيناتكم فأعمالهم. ضونك الى وصلاتك شي لعبة بحال هاذي بلاما تدخل.. حيت مستحيل شي حد يعطيك شي حاجة فابور وسط هاد الانترنت. وأيضا ماتبقاوش تآنصطاليو تطبيقات خارجية يعني هاذوك لي كيعطيوكم الناس ولا لي كطيليشارجيو من شي مواقع.. بحال نيت دوك النسخ المعدلة ديال واتساب راه أغلبية دوك النسخ كيكونو دامجين فيهم تروجانات ونتوما غا كتبداو تآنصطاليو.
هاذو بعض الأساليب لي خاصك دير باش تفادا الاختراق.
ندوزوا دبا لشنو غايخصك نتا كمبتدأ باش تحتارف فالهاك..
قبل ماتختار اشمن نوع ديال الهاكر بغيتي تكون.. خاصك تنسى شي حاجة سميتها الهاك.. وتقرا الأساسيات ولي هما:
الشبكات: ولا كما يصطلح عليهم بـ Network هذا بحر.. قبل ماتقطع لبحر الهاك خاصك تدرع مزيان فوسط هاد البحر.. تعرف كيفاش كتخدم الانترنت كيفاش كيخدمو الاجهزة.. تعرف البروتوكولات لي كاينين ولاياش كيصلاحو.. تعرف البورتات.. تعرف كيفاش كيخدم LAN وكيفاش كيخدم WAN .. وزيد وزيد..
الإصلاح: ولا كما يطلح عليه بالـ Maintenanace هذا كذلك بحر.. خاصك تعرف كيفاش تصلح البيسي ديالك الى خسر ليك سواء Hardware ولا Software .
أنظمة التشغيل: ولا كما يطلق عليهم Systeme d'exploitation خاصك تكون كتفهم فيهم وتعرف تخدم فيهم.. ولي أكثر تداولا فالعالم هما وينداوز لينيكس والماك والاندرويد.. ونتا كشخص باغي تبع الهاك.. خاصك يا أخي تتعلم تخدم فاللينكس.. حيت الاوامر لي كيخدموا فالهاك غير ديال لينيكس فقط.. أما ديال وينداوز ماعاطينهمش.. كيتستعملوا غا فالدووس اطاك ولكن عيانين.. وكإضافة الاوامر ديال لينيكس ماشي هما ديال وينداوز.. مثلا الأمر ديال أفيشي (يعني عرض) فوينداوز كنديروا Dir فلينيكس كنديرو ls يعني كاين فرق كبير بين الاوامر.. لذلك خاصك تعلم لينيكس.
البرمجة: كذلك خاصك تتعلم بزاف ديال لغات البرمجة ولي غاتفيدك فكيفاش تلقى الثغرات وكيفاش تكتب السكريبتات وكيفاش تصنع فيروسات وسكامات وزيد وزيد.. ومن بين اللغات لي خاصك تكون كتعرفها بايثون، جافاسكريبت، Php، باش ملي يتحط قدامك الكود تعرف تقراه وتشوف العيوب لي فيه.
هاد ثلاثة الأشياء الى ماقريتيهمش بلاما تعيي راسك وتقول غاندخل لمجال الهاكر.. خاص يكون عندك من كل فن طرب.. تكون كتفهم فيهم كاملين باش ملي توصل للهاك يجيك ما.. وماتلقاش صعوبة كبيرة فالتعلم ديالو..
كنظن هادشي لي كاين.. وكنتمنى نكون فدتكم بشي حاجة
.. وتكونوا خديتو النظرة الصحيحة على هاد المجال. وهاكا كنكونو دوينا على الاختراق.
