أولا غانحتاجو محرر على حسب لي بغيتي نتا
يا إما
nano / gedit / vi /
لي بغيتي فهادو مثلا غانخدمو ب nano
غانكتبو الكوموند الاولى على هاد الشكل:
nano /etc/network/interfaces
غايفتح لينا نوتباد فالطيرمينال.. غانهبطو لتحت لمكان يكون فارغ.. وغانكتبو هادشي:
(طبعا على داكشي لي عاطيينك.. أنا هنا درت لي زادريس عشوائيا)
auto enp0s25
iface enp0s25 inet static
address 192.168.1.10
netmask 255.255.255.0
broadcast 192.168.1.255
ومن بعد كتكليكي على
Ctrl + O et Ctrl + X
كنديروها ياش نسوفكارديو داكشي.. لمهم على حسب شنو كيقولو ليك فلي اوبسيون ديال المحرر لي خدمتي بيه.. بالنسبة للاسم ديال لاكارط ريزو فالغالب كيكون هو
eth0
ولكن يقدر مايكونش هو هذا بحال في حالتي انا دبا.. enp0s25
لذلك خاص قبل مادير هادشي تأكد من الاسم ديال لاكارط ريزو عن طريق الكوموند:
ifconfig -a
وديك الساعة راه غاتبان لك السمية ديالها..
لمهم من بعد مادخلنا الكونفيكيراسيون خاصنا نروديماريو السيرفيس عن طريق الكوموند:
service networking restart
ومن بعد دير
ifconfig
ياش تأكد واش داكشي خدام..