عندنا جوج ديال الانواع دالروتاج Routage Dynamique, لي كنعتامدو فيه على لي بروتوكول مثل : RIP , OSPF, EIGRP .. وكاين الــ Routage Statique لي كندخلوه يدويا فلي روتور ديالنا.
والهدف واحد من هاد الروتاج, هو نخليو الروتور يلقى أحسن مسار باش ينقل المعلومات, وهاد أحسن مسار كيتخاذو فيها بعض الأمور بعين الإعتبار. مثل Distance و Metrique فكل ما كانو هاد الجوج ناقصين كلما كان المسار أفضل وأحسن. وهاد الروتاج سطاتيك كيمتاز بهاد لافونطاج ديال السرعة. بحيث الـ Distance و Metrique ديالو كتكون صغيــرة مقارنة مع البروتوكولات ديال الروتاج ديناميك. ومن المميزات ديالو أيضا أنه سيكيريزي بحيث أن الـ Administrarteur هو لي كيعرف لي شومان منين دايزين لي باكيط. وأيضا ما كيكونش الشارج على الريزو بزاف لأن كل روتور عارف الشومان منين غايدوز الباكيط, ماشي بحال لي بروتوكول ديال الروتاج ديناميك كيبقاو كل شويا يديرو لي ميزاجور الشيء لي كيخلي واحد لاشارج كبيرة على الريزو. لكن من سلبيات الروتاج سطاتيك هو أنه خاص الـ Administrateur يبقى يعطي لكل روتور شومان خاص بيه, والى كان عندنا ريزوكبيــر فراه الأمر كيكون شاق وصعب. وأيضا إلى زدنا شي روتور جديد تا هو خاصنا نعطيوه لي شومان يدويا. ندوزو دبا نشوفو الكونفيكيراسيون ديال هاد الروتاج سطاتيك.
لنفترض عندنا جوج ديال لي روتور.. كل روتور مربوط مع سويتش.. وكل سويتش مربوط مع بيسي واحد.. عندنا الروتور الأول سميتو Rabat , والروتور الثاني سميتو Salé , وعندنا ثلاثة ديال Sous Réseau كيف ما كتشوفوا فالصورة لتحت.. وراه حتى لي زادريس باينين.. داكشي راكم كتعرفوه وماكاين لاش نشرحوا..
ندوزوا للكونفيگيراسيون.. غادي ندخلو للروتور الأول ولي هو Rabat غانمشيو لـ CLI ونكتبوا:
>en
#conf t
#hostname Rabat
(config)#interface fastEthernet 0/0
(config-if)#ip address 192.168.2.1 255.255.255.0
(config-if)#no shutdown
(config-if)#interface serial 2/0
(config-if)#ip address 10.10.0.1 255.255.255.252
(config-if)#no shutdown
(config-if)#do rw
(config-if)#exit
لمهم هاذو هما ليكومند ومعاهم حتى لي مود فين كيداروا.. ونهار الامتحان خاصك تكتبهم فالورقة بحال هاكا.. تقدر تقوليا ديالاش ديك do wr هاذيك هي لي كتسوفگاردي لينا الخدمة كاملة.. باش بلاما نكتبوا ديك copy-running startup-config كنكتبوا هاذيك باختصار..
ومن بعد ماكنكونفيگيريو الروتور كنمشيو نكونفيكيريو لاماشين ولي كنعطيوها:
Adresse: 192.168.2.2
Masque: 255.255.255.0
Gateway: 192.168.2.1
>en
#conf t
#hostname Salé
(config)#interface fastEthernet 0/0
(config-if)#ip address 192.168.1.1 255.255.255.0
(config-if)#no shutdown
(config-if)#interface serial 2/0
(config-if)#ip address 10.10.0.2 255.255.255.252
(config-if)#no shutdown
(config-if)#do rw
(config-if)#exit
والكونفيكيراسيون ديال لاماشين على هاد الشكل:
Adresse: 192.168.1.2
Masque: 255.255.255.0
Gateway: 192.168.1.1
حنى شنو هو الهدف ديالنا من الروتاج سطاتيك.. هو خاصنا نكونيكطيو دوك جوج بيسيات لي عندنا بجوج.. حيت دبا راهم مزال ماكيعرفوش بعضياتهم.. وبفضل الروتاج غادي يوليو يعرفو بعضياتهم وهادشي علاش طالع الفيلم.. ضونك تبعوا معايا باش نشوفوا الطريقة ديال الروتاج كيفاش دايرة..
غانمشيو للرتور Rabat وندخلوا للمود كونفيكيراسيون ونكتبوا هادشي:
#conf t
#ip route 192.168.1.0 255.255.255.0 10.10.0.2
هنا شنو درت؟
كتبت الكوموند لي كتنفد لينا الامر ديال الروتاج.. وتبعتها لادريس ديال الريزو لي انا بغيتو يتعرف عليه.. ولي هو:
المسألة جد بسيطة.. تحتاج فقط شويا ديال البراتيك.. خدم الـ Packet Tracer وطبق هادشي لي درنا دبا.. باش تفهموا.. ومن بعد زيد شي روتور ثالث وربطوا معاهم وراك غاتفهم البلان..
نتمنى يكون الشرح واضح.
الشرح على شكل pdf
كتبت الكوموند لي كتنفد لينا الامر ديال الروتاج.. وتبعتها لادريس ديال الريزو لي انا بغيتو يتعرف عليه.. ولي هو:
192.168.1.0
وطبعا درت الماسك ديالو هذا شيء ضروري.. ومن موراها قلت ليه ها لانطيرفاس سيريال لي غاتدوز منها.. ولي هي لانطيرفاس ديال روتور Salé... كاين اختيار آخر ولي هو تقدر دير Interface de sortie ديال الروتور لي نتا خدام فيه, فهاد الحالة انديرو لانطيرفاس Se2/0 ديال الروتور Rabat ولي غاتكون الكوموند على هاد الشكل:
#conf t
#ip route 192.168.1.0 255.255.255.0 Se2/0
دبا غانعاود ندير نفس الأمر بالنسبة للرتور ديال Salé:
#conf t
#ip route 192.168.2.0 255.255.255.0 10.10.0.1
أو
#conf t
#ip route 192.168.1.0 255.255.255.0 Se2/0
وهاكا دبا غايوليو يعرفو بعضياتهم كلهم.. ويقدرو يتكونيكطاو بلا حتى مشكل..
نفس الأمر بإمكانك ديرو الى كانو عندك حتى 7 ديال Sous Reseau.. دائما كتدخل للروتور لي باغي.. وكتكتب لادريس ديال Sous Réseau لي باغي تعرف عليه متبوع بالماسك ومتبوع بلانطيرفاس منين غايخرج..
نفس الأمر بإمكانك ديرو الى كانو عندك حتى 7 ديال Sous Reseau.. دائما كتدخل للروتور لي باغي.. وكتكتب لادريس ديال Sous Réseau لي باغي تعرف عليه متبوع بالماسك ومتبوع بلانطيرفاس منين غايخرج..
كاين النوع الثاني من الروتاج سطاتيك ولي كيكون Par defaut وهاد النوع من الروتاج كيدار فلي ريزو لي ما كيكون من موراهم حتى ريزو آخر. يعني كيكونو هما لي ريزو للاخيرين. بالنسبة للككزنفيكيراسيون ديالهم سهلة للغاية.
غاتدخل للروتور ودير:
#ip route 0.0.0.0 0.0.0.0 Se2/0
هنا عطيت المثال بـ Se2/0 نتا غادير لانطيرفاس ديال السورتي على حسب أش عندك, أو الـ Next Hop لي عندك.
المسألة جد بسيطة.. تحتاج فقط شويا ديال البراتيك.. خدم الـ Packet Tracer وطبق هادشي لي درنا دبا.. باش تفهموا.. ومن بعد زيد شي روتور ثالث وربطوا معاهم وراك غاتفهم البلان..
نتمنى يكون الشرح واضح.
الشرح على شكل pdf
